مقالات

سالفة ورباطهه ||

nestor-karbonell-talantlivij-akter-obladayushij-mnogimi-dostoinstvami


متابعة ـ ياسر الربيعي ||

اكو ملك راح يتفقد المملكة فمر على قرية لگه أهلها يشربون من النهر ماي فأمر الحاشية يحطون( حب ) (إناء كبير مصنوع من الفخار) يشربون منه ومن جابوا الحب
گال احد الموظفين :
هذا الحب يعد أموال حكومية عامة فنحتاج حارس يقوم بحراسته ونحتاج واحد يملي مي كل يوم وبهاي الحالة نحتاج ستة حراس وستة عمال يتناوبون بالاسبوع بعدين گام واحد من الحاشية وگال : (الحب) يحتاج حبل وطاسة واذا صار بيه خلل نحتاج واحد يصلحه وهنا لازم نعيين فني وبهل اللحظة بادر موظف خبير متعمق فگال : خوش بهاي الحالة نحتاج شعبة حسابات حتى نشدلهم رواتب
فگام واحد وگال : ومنو يضمن هاي الناس راح تشتغل بانتظام وما تتغيب
اكيد نحتاج واحد يتابعهم ويشرف على العمل فتم إنشاء شعبة لشؤون العاملين وفتح سجلات حضور وانصراف للعمال
فگال : واحد عندي اقتراح نفتح شعبة قانونية حتى نحاسب المقصرين بعملهم ومن فتحوا كل هاي الشعب أجة موظف موقر وگال : و منو يرأس كل هذولة الموظفين
هنا نحتاج موظف چبير يدير العمل
وبعد مرور سنة اجة الملك فشاف مبنى فخم ومنور وعليه لافتة چبيرة مكتوب عليها الإدارة العامة لشؤون الحب
وشاف بالمبنى غرف وقاعات اجتماعات ومكاتب ورجل مهيب شعره مشيب گاعد وره مكتب چبير وأمامه قطعة مكتوب عليها
الأستاذ مدير عام شؤون الحب فاستفسر الملك عن سر هاي الدائرة وهاي الإدارة الغريبة الما سامع بيها من گبل فگالوله الحاشية الملكية : مولاي كل ذولة يهتمون بشؤون الحب الأمرت بيه للناس بالعام الماضي
المفاجأة من راح الملك يشوفه لگاه فارغ ومكسور ويمه حارس وسقاء نايمين وعليه قطعة مكتوب عليها : تبرعوا لاصلاح الحب من اجل الفقراء مع تحيات الادارة العامة لشؤون (الحب)
رباط سالفتنه
سـبعـة انـگضـن كلـفات عـد يـوسـف وبيـر
ومـرت عليـنه اسـنـين مـا شـفـنه تغـيير
مـرت عليـنه اسـنـين مـحـد حـملـها
ولا اجـانـه واحـد زيـن يـگدر يـحلـها
رئاسات وبرلمان ومجالس محافظات ومجالس بلدية ونزاهة وموارد مائية (والحب) مكسور لاماي ولا كهرباء والله بتلينا بلوه يبوية
من عمكم الشروكي

عن الكاتب

ياسر الربيعي

كاتب وإعلامي عراقي مقيم في بغداد

اترك رد إلغاء الرد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.