الجمعة - 29 مارس 2024

عن الذين يهينون زوار الحسين “ع”..!

منذ سنتين
الجمعة - 29 مارس 2024


ضياء ابو معارج الدراجي ||

يقول جاسم الدراجي ان محمد نعيمة ابن عمنا يسولف يگول في زيارة الاربعينية ونحن في حسينية لجماعة نعرفهم رجل من خدام الحسينية يقدم خدمة للزوار يتحدث بهدوء لا يرفع صوته نهائيا يكاد لا نسمعه فسئلته انت شبيك هيچ تحچي يابه علي صوتك حتى نسمعك فتقرب لاذني وگال هذا حدي ما اگدر ارفع صوتي بعدين سئلته انت مريض عندك مشكلة بالاوتار الصوتية گال لا بس اني قصتي قصة،گلتله سولفلي گال اني اخدم الزوار بهذه الحسينية ولكن ماعرف احچي على كيف وكله صياح والزوار تالي اليل ازعجهم يگولون يابه نصي صوتك ناس تعبانه تريد تنام ،المهم بقيت على وضعي وذاك اليوم في الرؤيا كأنهُ يوم القيامة اقتادوني الى شخص فقال هذا يؤذي زوار الامام الحسين (ع) اخذو للنار يگول اقتادوني وصلت الى بوابه حجر تغلي قالو هذه احدى بوابات جهنم لاح اصبعي جزء من حجر هذه البوابة يگول حسيت بالم بحياتي ما حاسه وطفرت من نومتي لگيت اثار اللسعة على اصبعي والم لم يفارقني ايام طوال ويگول محمد اثار اللسعة باقية باصبعه وهذا الشي الي خلا هذا الرجل مايرفع صوته ابد يم زوار الامام الحسين عليه السلام ويتكلم بهدوء من ذالك اليوم
شاهد سالفتي على الذين يهينون وينتقصون ويسبون ويشتمون زوار ابي عبد الله عليه السلام انتم مساكين ولا تعلمون اي ذنب تقترفون