إنتَه العيد..!

علي السراي ||

إنتَه العيد عونك تظل بس إنته
يافخر العراق بشيعته وسنته
..
يا خيمة وطن ومغطي كل الناس
فيّك يا علي الكل يگعد بسده
..
يا غيرة شعب ومرادم العدوان
يا سيف الكلافة الما صِدَه بغِمده
..
يشاجور السواتر يوم صار زماط
بيك الحشد هلهل ساعة الشده
..
يا حيد الزلم يمعدل الميلات
بچفوفك حميت عراقنا وصنته
..
مگضيهة الكلافة وجدك الكرار
نگلّبهه گلاب وخيبر نردهه
..
حشدك مو حشد لن چنه عزرائيل
من طَبّ عل دواعش يوم كلّفته
..
بس آمر يليث حيُود كله وياك
سالم والعراق بزودك إيصدهه
..
ياعيد العراق وتاج فوگ الراس
تبقى العيد إنته واحلى عيد إنته

…………………………….

بمناسبة عيد الفطر المبارك وما جادت به القريحة في حضرة سيد العراق ومنقذه الامام السيستاني المفدى دام ظله المبارك … كل عام ومرجعيتنا المقاتلة وحشدنا المقدس وعراق علي والحسين وكل أمة الانتظار بالف خير ومن نصر إلى نصر
وكل عام وأنتم بالف الف خير أيها الاحبة الغالين ونسأله تعالى شأنه أن يعجل فرج ولينا وقائدنا وإمامنا المهدي أرواحنا لتراب مقدمه الفداء .