زوج بألف !!
باقر الجبوري ||
تخيل نفسك بسنة ١٩٩٥ وانت طالع لباب الشرجي حتى تشتري زوج قنادر وتوگف يم ابو پالة وتگعد ساعة بس تستنگي الزينة والمو زينة منهن حتى تطلعلك زوج بي حظ !!
ومرات تلگه تك قنيدرة يعجبك بس ((الحلو مايكمل )) مثل مايگولون لان احتمال ماتلگه التك الثاني وتضل ادور بين القنادر لحد ما توگعلك على زوج يعجبك واحتمال عوزه شوية خياط لو قياطين جدد لو تجديد صبغ !!
يعني … تمشية حال يعني !!
وبعدين من تنطي افلوسك ( بكل أدب ) لبو الپالة وياخذ زوج القنادر من ايديك ويحطهن الك بالچيس ثم يعيدهن ويسلمهن بيدك !!
وانت بطيبة گلب تگله رحم الله والديك يا طيب وانت مكييييف وفرحان !!
وبالتالي من توصل للبيت وتفتح الچيس تتفاجء بالصدمة من يطلعن القنادر تك وتك واثنينهن يسرة !!
ويطلع ابو الپالة مبدلهن الك بچيس ثاني من جوة العربانة … والله خوش بوري !!
والنوب تستحي تسولف بالبيت انك مشتري قنادر تك وتك ( شني شبيك تخبلت !! وتگضيها بالسكتة والصفنة !!
طبعاً … هاي وحدة من ذكريات أيام الخير واكيد هواي من عدنة وگعوا بهالمطب بس جيب الرجال الي يكدر يشتكي عد الشرطة حتى يحلبونه اكثر من سعر زوج القنادر وجيب رجال الي يگدر يرجعلهم حتى يرجعوله زوج ا
اقرء ايضاً
