طگة وأخواتها فقط في العراق..!

رجاء اليمني ||

يقولون أن هناك طالب أمريكي يعشق اللغة العربية بجنون واراد تعلمها فقالوا له عليك ببلد عربي فقال ايهما افصح لغة فقالوا له : ….. العراق ….. تعلّم لهجته العامية حتى تساعدك بعد ذلك على تعلّم اللغة العربية
سافر و وصل الى العراق وحدثت المفاجأة فكلمة عامية واحدة حملت معاني كثيرة واليكم هذه الكلمة
1- طگني :
بمعنى ضربني
2- طگ التاير:
بمعنى انفجر التاير
3- يطگطگ بالسوگ : بمعنى یشتغل اعمال حرة متفرقة.
4- طگت براسه :
بمعنى قررعلى استعجال و بدون مشاورة.
5- أطگها ركضة :
يعني اركض بسرعة.
6- يطگ اصبع :
يعني فرحان ويفرقع بإصبعيه السبابتين على غرار ما يُفعل عند الغناء والطرب.
7- طگطگت اصابيعي : إصدار صوت عند فرقعة مفاصل الاصابع.
8- طگلي صورة :
بمعنى التقط لي صورة.
9- طگلك بيضة :
اي قلّي البيض بالزيت.
10- طگوه بالدهن :
من المصطلحات العراقية ما بعد الاحتلال ، بمعنى كتلوه.
11- طگ طگة مو طبيعية او طگت وياه او أموره طاگة :
ومعناها انفتحت وياه اواشتهر او صار من اصحاب الاموال والاملاك بسرعة.
12- طگ الشجر :
بمعنى تفتحت أوراق الشجر في الربيع
13- اسمع طگطگة : بمعنى اسمع اصواتًا غريبة!
14- فلَك طگه :
بمعنى موت الكرفه …
او لفه..
15- طگت الكهرباء : بمعنى انفجرت او انقطعت الكهرباء
16- طگطگت الشبابيك : بمعنى الهواء عالي و يحدث اصوات ..
17- طگ طگ حرمل : بمعنى بخّر ضد العين
18- طگت روحي :
بمعنى لعبانة نفسي
و مالي خلگ و مزاج
19- گام يطگطگ :
بمعنى اصابه الخوف
والهلع.
20- گلبه ايطگطگ : بمعنى روحه لايبة على شي …
21- طگ الحايط :
بمعنى ازاله اي تم هدمه.
22- لتصير طگطوگي : بمعنى لتصير مو تمام
23- حاجة طگطوگية : بمعنى
Made in china
24- هذا طاگ:
بمعنى ثري او زنگين
25- وحدة طاگة :
يعني خشمها عالي
و متتحاچة لو زنگينة
لو حلوة ..
26- و لا طگة :
بمعنى لا علم و لا فهم.
27- يطگطگ ورة الدوام :
يعني يشتغل اوڤر تايم .
28- طگ خشمه دم : بمعنى نزف دم.
29- بيهم كثروا الطگ ها ها ها بمعنى :
إرموا عليهم الاطلاقات النارية.
30.- رجلي گامت
تطگطگ :
بمعنى ترجف من الخوف المفاجئ..
………….
الامريكي الأن في مستشفى الامراض العقلية يأكل ثيل!!!