في أسرار البلاغة للشيخ البهائي..!

إيليا إمامي ||

في أسرار البلاغة للشيخ البهائي قال:

كان شريك بن الأعور من أصحاب الإمام علي (عليه السلام) في البصرة، أصيبت عينه‌ في صفين.

دخل على معاوية و هو يختال في مشيته. و كان شجاعاً مع دمامة (أي بشاعة الخلقة).

فداعبه معاوية و قال: ويلك، أنت شريك و ما لله شريك، و أبوك أعور و الصحيح خير من الأعور، و أنت دميم و الوسيم خير من الدميم. فلم سوّدك قومك عليهم؟!.

فقال شريك: و أنت معاوية، و ما معاوية إلا كلبة عوت فاستعوت فسمّيت معاوية، و أبوك صخر و السهل خير من الصخر، وجدك حرب و السلم خير من الحرب، و إنك ابن أميّة، و ما أمية إلا أمة صغّرت فسمّيت أميّة. فبم صرت أمير المؤمنين؟!.

فتبسم معاوية غيظا و قال: أقسمت عليك إلا خرجت عني. فخرج و لم يدخل بعدها إليه.

أنا تعمدت أراقب بصمت وما أنشر عن الموضوع
لأن بس أحچي مراح يكون كلامي مثل السائد كله سب وغلط عالجولاني

بس أحچي راح أقسي على جماعتنا الي الله ابتلاهم بالطفگه والعمى الوقتي

من يستدرجونه لفخ يروح مثل المغمض

والعجيب صارلنا ويه السيستاني ثلاثين سنة ما تعلمنا شويه من رزانته وحكمته ونعرف شوكت نضبط أنفسنا ونصبر وشوكت نضرب ضربتنا !!

لذلك ساكت وما أنشر
ولا حول ولا قوة إلا بالله

تسويله بس يسمع واحد يصيح (يا علي) ويرمي عباله هذا شيعي أبن شيعي وإبن عم أبو تحسين الصالحي

عمي شويه أقرو
شويه أطلعو

مو كل مسبل بصلاته شيعي .. أكو مذاهب ثانية …

مو كلمن يصيح يا علي شيعي .. أكو مذاهب ثااااانية ..

لا تصيرووون مطحنة ..

وعلى كل حال من الجنون التفكير بأن المعركة ستحسم لصالح العلويين

هذا من الناحية العسكرية مستحييييل

لكن شراح يسوون ؟

راح ينطوهم سلاح عن طريق الساحل

راح يخلوهم مثل الفتيلة المشتعلة كلما تريد تطفه يديرولها نفط ..

حتى الي عنده حساب يصفيه بالهوسه

والي يريد يشغل الرأي العام ببلده يلهي بسوريا

والي يريد يصفي غزة يشغل الناس بسوريا

والي يريد يطم عاره وينسي الناس خذلانه وذله .. يشغلهم بسوريا

الحرب مستحيل تنحسم لصالح العلويين لأن الجولاني رئيس وانتهى الأمر

لكن ممكن تركها مشتعلة قليلاً

لمن نشوف فتيلة ثانية.

زين السيدة زينب والشيعة وين بهاي الحسابات ؟ وشنو ذنبهم ؟

وبالمناسبة الصهاينة من أكبر المستفيدين من هاي الحرب واستقرار سوريا يضرهم جداً

تعرف ليش ؟

شويه عوف المعارك الطفولية والشتايم بالتعليقات

واحترم عقلك الي أكرمك الله بي

ورح إقرأ واسمع وحلل بهدوء بدون طفگه

وراح كلشي يتوضح.

بس حبيت اقدملك نصيحة من شخص يحبك ،
منشورك مال العلوين لان مو شيعة ميصير نتعاطف وياهم جفصة قوية من سماحتك ياريت تراجعها
الموضوع انساني و فطري واحد من يشوف ابرياء ينقتلون يتفاعل ويه قضيتهم و يتعاطف وياهم.

📝 الجواب:
عليكم السلام ورحمة الله.

يبدو سماحتك كلش مو فاهم سماحتي..

أنا گلت لا تتعاطفون وي الضحايا ؟

جبت طاري التعاطف ؟

(چا) إحنه غير تعاطفنه ويه أهل غزة وتألمنا عليهم وهمه من أهل السنة؟

چا غير من نشوف ضحايا قصف مدنيين بأوكرانيا المسيحية تنكسر گلوبنا ؟

هو إحنه الشيعة نگدر ما نتعاطف ويه المظلوم والمغلوب على أمره ؟

لكن سماحتك مو منتبه للهدف من كلام سماحتي..

ومجاي تشوف محاولات جر المجتمع الشيعي إلى المطحنة ..

يوم من بوابة اليمن
يوم من بوابة سوريا
يوم من بوابة لبنان

وگلنا ميخالف عبرنا هاي المرحلة .. والفصائل عرفت خطورة الموقف (ولو متأخراً)

لكن بهذا الموضوع السوري ما عاد التدخل العسكري وحده يشكل خطر .. حتى الكلمة صارت تشكل خطر على الشيعة بسوريا .. حتى التعليق ممكن يتحول رصاصة برؤوس أهلنا بسوريا..

لأن أكو شحن مدفوع عليه مليارات .. ولأسباب ممكن نشرحها بعدين لسماحتك.

زين عوف سوريا

عوف الشرق الأوسط كله

قبل فترة كنت في جزيرة من جزر جنوب شرق آسيا وكنت أكلم بعض الشيعة هناك عن أحوالهم .. وشنو نظرة المجتمع السني لهم ..

فكان جوابهم أن موضوع سوريا وتدخل إيران لصالح بشار شكل علينا ضغط رهيب وصرنا مكروهين ..

وما خف هذا الضغط وشويه صرنا مقبولين بالمجتمع إلا بشهادة سيد حسن وضربة إيران لتل أبيب.

فالخلاصة يا صديقي

ما قلنا لا تتعاطف .. قلنا لا تساهم بشحن السوريين ضد الشيعة بحجة نصرة العلويين .. لأن العلوي عافك من عهد السفراء الأربعة وما يعترف بيك ولا مستعد يلتزم بتوجيه مرجعيتك .. يعني كتلة بشرية مستقلة ولها حسابها الخاص ..

فأنا على أي أساس أرهن مصيري ومصير جماعتي بيدهم ؟ وبقرار السلم والحرب الي همه يتخذونه ؟

للعلم هذا مو كلامي .. هذا كلام شيعة سوريا نفسهم .. لمن كنت بدمشق مرة من المرات وسألتهم عن الوضع .. واشتكو من محاولات العلويين جر شباب الشيعة وياهم للمعارك.

ما أدري صار واضح عد سماحتك لو لا؟

الچفصة مو كلامي .. الچفصة الحقيقية هو أنه جاي نچفص بالتعليقات والشحن الطائفي ويه مجتمع كلشي ما نعرف عن توزيعه الاجتماعي.