سالفة وشاهد..!

حسين فلسطين ||

من بداية شهر رمضان المبارك شاب صاحب “تكتك” يخلص صلاة المغرب والعشاء وينتظر بباب المسجد يصر بشكل كبير على أن يوصل أي مصلي لبيته ..
أثناء الحديث سألته سؤال ليش تنتظر ..

جاوب ..
استاذ التكتك مو الي اني سايق وما عندي انطي صدقة ومن اوصل واحد هي هاي الصدقة..

استدرك حائرًا ..
بس شلون خاف صاحب التكتك ما يبريني الذمة، شتكول اني اقطع من يوميتي وانطيه عادي مو حرام ؟

طبعا بغض النظر عن جوابي ( امده فلوسنه ) أدركت أن الخير عند الفقراء اكثر اثر وزكاة من ما يكتنزه الأغنياء ..

الخلاصة :
ونحن في نهاية شهر رمضان المبارك اتمنى ان لا ينضب عطاء الناس وإن لا يكون مرهون بهذا الشهر الفضيل وإن يرعى كل واحد منا حال عوائلنا المتعففة وإن نتعلم من هذا الزاهد فطرة العطاء ..